18 C
Guwahati
Tuesday, February 7, 2023
More

    অভাৱগ্ৰস্ত পৰিয়াললৈ খাদ্য সামগ্ৰী যোগানৰ লগতে চৰকাৰলৈ ৩৫০০১ টকাৰ অনুদান বক্সাৰ লাভলীনা বৰগোঁহাইৰ

    লক ডাউনৰ সময়চোৱাত ঘৰৰ ভিতৰতে সোমাই থাকি চৰকাৰক সহযোগ আৰু নিজে সুৰক্ষিত থাকিবলৈ আহ্বান আন্ত:ৰাষ্ট্ৰীয় খ্যাতিসম্পন্ন বক্সাৰগৰাকীৰ

    লক ডাউনৰ পৰিপ্ৰেক্ষিতত গোলাঘাট জিলাৰ বৰপথাৰৰ নিজ বাসগৃহতে সময় পাৰ কৰিছে আন্ত:ৰাষ্ট্ৰীয় খ্যাতিসম্পন্ন মহিলা বক্সাৰ লাভলীনা বৰগোঁহায়ে৷ মহামাৰী কৰ’ণা ভাইৰাছৰ বিভীষিকাৰ ফলত অনুশীলনৰ পৰা আঁতৰি নিজা ঘৰতে সময় কটোৱা লাভলীনাই এই লক ডাউনৰ সময়চোৱাত দেখুৱাইছে মানৱীয়তাৰ নিদৰ্শন৷ লক ডাউনৰ ফলত এমুঠি অন্নৰ বাবে বিপদৰ সন্মুখীন হোৱা অভাৱগ্ৰস্ত পৰিয়ালসমূহলৈ আগন্তুক টকিঅ’ অলিম্পিকলৈ নিৰ্বাচিত হোৱা মহিলা বক্সাৰ গৰাকীয়ে আগবঢ়াইছে সহায়ৰ হাত৷

    সোমবাৰে লাভলীনাই পিতৃ টিকেন বৰগোঁহাইৰ সহযোগত নিজ বাসগৃহৰ চুবুৰীয়া মানুহখিনিৰ লগতে বাৰমুখীয়া, পাভজান, চকলি আদি গাঁৱৰ দৰিদ্ৰ পৰিয়ালৰ মাজত বিভিন্ন সা-সামগ্ৰী বিতৰণ কৰি অভাৱগ্ৰস্ত সকললৈ সহায়ৰ হাত আগবঢ়ায়৷ খেলুৱৈগৰাকীয়ে ইতিমধ্যে অসম আৰোগ্য নিধিলৈও ৩৫০০১ টকাৰ অনুদান আগবঢ়োৱা বুলি জানিবলৈ দিয়ে৷

    কৰ’ণা ভাইৰাছৰ সংক্ৰমণ ৰোধৰ বাবে লাভলীনাই অসমবাসীক সজাগ আৰু সচেতনতা অৱলম্বন কৰি লক ডাউনৰ সময় চোৱাত ঘৰৰ ভিতৰতে সোমাই থাকি চৰকাৰক সহযোগ আৰু নিজে সুৰক্ষিত থাকিবলৈ আহ্বান জনাইছে।

    Published:

    2 COMMENTS

    Follow TIME8.IN on TWITTER, INSTAGRAM, FACEBOOK and on YOUTUBE to stay in the know with what’s happening in the world around you – in real time

    First published

    ট্ৰেণ্ডিং