গুৱাহাটীৰ এগৰাকী যুৱতী হিমাচল প্ৰদেশৰ ৰিভাৰ বেংকত ছেলফি তুলিবলৈ গৈ পানীত পৰি সন্ধানহীন হয়। ২৬ বছৰীয়া যুৱতীগৰাকীৰ নাম প্ৰিয়ংকা। হিমাচল প্ৰদেশত ভ্ৰমণৰ বাবে গৈছিল যুৱতীগৰাকী। কুল্লু জিলাৰ কাছলৰ পাৰ্বতী নদীত পৰি সন্ধানহীন হয় যুৱতীগৰাকী।
তথ্য অনুসৰি প্ৰিয়ংকা আৰু আন এগৰাকী যুৱতী কোমল হিমাচল প্ৰদেশ ভ্ৰমণৰ বাবে গৈছিল। আনন্দ উল্লাসৰ মাজতে দুয়োয়ে পাৰ্বতী নৈত ছেলফি তুলি আছিল। সেই সময়তে দুয়োগৰাকী নদীৰ পানীত পিছলি পৰে যদিও স্থানীয় কেইজনমান লোকে কোমলক উদ্ধাৰ কৰে কিন্তু প্ৰিয়ংকা সন্ধানহীন হয়।
সন্ধানহীন প্ৰিয়ংকাক বিচাৰি অভিযান অব্যাহত উদ্ধাৰকাৰী দলৰ।
