শিলচৰত ৰহস্যজনক ভাৱে উদ্ধাৰ শ শ বস্তা চফগুটি৷ মাছিমপুৰ কুমাৰপাৰৰ মজিলবিল নামৰ এটা বিলৰ পৰা উদ্ধাৰ হৈছে প্ৰায় ৩০০ বস্তা চফগুটি৷ ৰাতিপুৱা স্থানীয় লোকে চফগুটিৰ বস্তা সমূহ প্ৰত্যক্ষ কৰাৰ পিছতে সৃষ্টি হয় তীব্ৰ চাঞ্চল্যৰ৷ কোনে কিয় এনেদৰে পেলালে বৃহৎ সংখ্যক চফগুটি?
খবৰ পাই ঘটনাস্থলীত গৈ উপস্থিত হয় শিলচৰ আৰক্ষী৷ চফগুটিৰ বস্তা সমূহ উদ্ধাৰক লৈ শিলচৰত তীব্ৰ চাঞ্চল্যৰ সৃষ্টি হৈছে৷ আৰক্ষীয়ে বস্তাসমুহ উদ্ধাৰ কৰি তদন্তত নামিছে৷ চফগুটি সমুহ বিলত উদ্ধাৰৰ আঁৰত কি কাৰণ হব পাৰে সেয়া স্পষ্ট হোৱা নাই।
যদিও অনুমান কৰা হৈছে কোনাৱে জনশুণ্য স্থানত এই বৃহৎ পৰিমানৰ চফগুটি সমুহ লুকাই ৰাখিছিল৷ আনহাতে ঘটনাটোক লৈ শিলচৰত এক নতুন চিণ্ডিকেটৰ কাহিনী সম্মুখলৈ আহিছে৷ জানিব পৰামতে চফগুটিৰ এটা বস্তাৰ বজাৰমূল্য প্ৰায় ৩ হাজাৰ টকা৷
Photo: @yasinmazumder
