23.4 C
Guwahati
Wednesday, October 20, 2021
More

    চীনৰ পিছতেই ইটালীত কৰ’ণাৰ কালৰূপ; ৩ এপ্ৰিললৈ ‘তলা বন্ধ’ ঘোষণা

    ৬০ নিযুত জনসংখ্যা থকা ইটালীত কৰ'ণা ভাইৰাছে এতিয়ালৈকে প্ৰাণ কাঢ়িলে ৪ শতাধিকৰো অধিক লোকৰ

    চীনৰ পিছতেই কৰ’ণা ভাইৰাছে সংহাৰী ৰূপ ধাৰণ কৰিছে ইটালীত। কৰ’ণা ভাইৰাছে সমগ্র ইটালীৰ অর্থনীতিত পেলাইছে বিৰূপ প্ৰভাৱ। ৬০ নিযুত জনসংখ্যা থকা ইটালীত কৰ’ণা ভাইৰাছে এতিয়ালৈকে প্ৰাণ কাঢ়িলে ৪ শতাধিকৰো অধিক লোকৰ। প্ৰধানমন্ত্ৰী গিউছেপে কণ্টেই ৩ এপ্ৰিললৈকে সমগ্ৰ ইটালীত তলা বন্ধ ঘোষণা কৰিছে। তলা বন্ধৰ নিয়ম অনুসৰি ইটালীত বন্ধ থাকিব বাণিজ্যিক প্ৰতিষ্ঠানসমূহ। বাতিল হৈছে সকলো ধৰণৰ ক্ৰীড়া প্ৰতিযোগিতা।

    উত্তৰ প্ৰান্তৰ ১৬ নিযুত লোকক গৃহবন্দী হৈ থাকিবলৈ নিৰ্দেশ দিয়া হৈছে। জনসমাগম হোৱা যিকোনো ক্ষেত্ৰ যেনে চিনেমা হল, থিয়েটাৰ, সংগ্ৰাহালয়,তাৰকাগৃহ, চিৰিয়াখানা, বিদ্যালয় তথা অন্যান্য ৰাজহুৱা প্ৰতিষ্ঠান ৩ এপ্ৰিললৈ বন্ধ ৰখাৰ নিৰ্দেশ দিছে প্ৰশাসনে। উদযাপন কৰিব নোৱাৰিব ধৰ্মীয় তথা সাংস্কৃতিক কাৰ্যসূচী। এই নিষেধাজ্ঞা উলংঘা কৰাসকলক জৰিমনা বিহাৰ উপৰিও কাৰাদণ্ড দিয়া হ’ব বুলিও ঘোষণা কৰিছে গিউছেপে কণ্টেই।

    Photo Credit: WKBN.com

    Published:

    Follow TIME8.IN on TWITTER, INSTAGRAM, FACEBOOK and on YOUTUBE to stay in the know with what’s happening in the world around you – in real time

    First published

    ট্ৰেণ্ডিং