27 C
Guwahati
Wednesday, October 13, 2021
More

    তামুলপুৰত দলঙৰ পৰা পৰি যুৱকৰ মৃত্যু

    চুবুৰীয়া লোকে ততাতয়াকৈ আহত যতীন হৰিজনক তামুলপুৰ প্ৰাথমিক স্বাস্থ্য কেন্দ্ৰত ভৰ্তি কৰাই যদিও চিকিৎসক ডা:গৌতম মেধিয়ে আহত যুৱকজনক পৰীক্ষা কৰি মৃত বুলি ঘোষণা কৰে

    তামুলপুৰ আৰক্ষী থানাৰ অন্তৰ্গত বৰলীয়া জলসিঞ্চন প্ৰকল্পৰ লোহাৰ দলঙৰ ওপৰত মটৰচাইকেল দুৰ্ঘটনাত পতিত হৈ দেওবাৰে নিশা যতীন হৰিজন (৩০ ) নামৰ এজন যুৱকৰ মৃত্যু হয়। প্ৰাপ্ত ঘটনাৰ তথ্য অনুসৰি তামুলপুৰ আৰক্ষী থানাৰ অন্তৰ্গত পুৱ কচুকাটা গাঁৱৰ পৰেশ হৰিজনৰ মিস্ত্ৰী বৃত্তিত জড়িত পুত্ৰ যতীন হৰিজনে এগৰাকী সতীৰ্থৰ সৈতে মিস্ত্ৰী কাম সম্পন্ন কৰি ঘৰলৈ গৈ থাকোতে বৰলীয়া জলসিঞ্চল প্ৰকল্পৰ বৰলীয়া নদীৰ ওপৰত অৱস্থিত ব্ৰেইলি দলঙৰ ওপৰত বাগৰি পৰাত গুৰুতৰভাৱে আহত হয়।

    চুবুৰীয়া লোকে ততাতয়াকৈ আহত যতীন হৰিজনক তামুলপুৰ প্ৰাথমিক স্বাস্থ্য কেন্দ্ৰত ভৰ্তি কৰাই যদিও চিকিৎসক ডা:গৌতম মেধিয়ে আহত যুৱকজনক পৰীক্ষা কৰি মৃত বুলি ঘোষণা কৰে। যুৱকজনৰ আকস্মিক মৃত্যুত অঞ্চলজুৰি শোকৰ ছাঁ পৰিছে।

    Published:

    Follow TIME8.IN on TWITTER, INSTAGRAM, FACEBOOK and on YOUTUBE to stay in the know with what’s happening in the world around you – in real time

    First published

    ট্ৰেণ্ডিং