18 C
Guwahati
Tuesday, February 7, 2023
More

    খোলা আছিল চেলুন;চুলি-দাড়ি কটাবলৈ গৈ কৰ’ণাত আক্ৰান্ত হ’ল ৬জন লোক

    নিৰ্দেশ অমান্য কৰি এই সংকটৰ সময়তো খোলা ৰখা এখন চেলুনে মাতি আনিলে বিপদ

    সমগ্ৰ বিশ্ব এতিয়া কম্পিত কৰ’ণা ভাইৰাছৰ আতংকত। কৰ’নাৰ সংক্ৰমণক প্ৰতিহত কৰিবলৈ বিশ্বৰ প্ৰায়বোৰ দেশতে অব্যাহত আছে লকডাউন।এই লকডাউনৰ সময়ছোৱাত বন্ধ ৰাখিবলৈ নিৰ্দেশ দিয়া হৈছে শিক্ষানুষ্ঠান, অন্যান্য ব্যৱসায় প্ৰতিষ্ঠানৰ লগতে বিউটি পাৰ্লাৰ, চেলুন আদি।

    নিৰ্দেশ অমান্য কৰি এই সংকটৰ সময়তো খোলা ৰখা এখন চেলুনে মাতি আনিলে বিপদ।ঘটনাটো সংঘটিত হৈছে মধ্য প্ৰদেশৰ খাৰ্গো জিলাৰ বাৰগাঁও নামৰ এখন গাঁৱত।সেই চেলুনখনত চুলি কটাই কৰ’ণা ভাইৰাছত আক্ৰান্ত হ’ল ৬জনকৈ লোক।

    জানিব পৰা মতে, ইন্দোৰৰ এখন হোটেলত কাম কৰা এজন লোক গাঁৱলৈ উভতি আহে। চেলুনখনলৈ গৈছিল তেওঁ চুলি কটাবলৈ।চেলুনখন খোলা ৰখাৰ কথা গম পাই গাঁৱৰ আৰু কেইজনমান লোক চুলি, দাড়ি কটাবলৈ যায়।আৰু তাৰপৰাই নামি আহিল লোককেইজনৰ জীৱনলৈ বিপদ। দৰাচলতে ইন্দোৰৰ পৰা উভতি অহা লোকজনৰ দেহত আছিল কৰ’ণা ভাইৰাছ।

    নাপিতজনে একেখন কাপোৰ,কেঁচি, ফণী আদি ব্যৱহাৰ কৰি সকলোৰে দাড়ি-চুলি কটাৰ ফলত বিয়পি পৰে কৰ’ণাৰ সংক্ৰমণ। সেইদিনাখন চেলুনখনলৈ যোৱা ১২ জন লোকৰ নমুনা পৰীক্ষাৰ কৰাৰ পিছত ৬জনৰে দেহত পোৱা যায় মাৰাত্মক কৰ’ণাৰ অৱস্থিতি।

    আশ্চৰ্যকৰ কথা যে নাপিতজনৰ কৰ’ণাৰ ৰিপৰ্ট আহিল নিগেটিভ।এই খবৰ পোৱাৰ লগে লগে গাওঁখনত বিৰাজ কৰে আতংক। ইতিমধ্যে গাঁওখনৰ সকলো সীমা ছীল কৰি দিছে প্ৰশাসনে।

    Photo Credit: The Hindu ( Representative Pic)

    Published:

    Follow TIME8.IN on TWITTER, INSTAGRAM, FACEBOOK and on YOUTUBE to stay in the know with what’s happening in the world around you – in real time

    First published

    ট্ৰেণ্ডিং