26 C
Guwahati
Thursday, September 29, 2022
More

    CABৰ বিৰোধিতাৰ সময়তে ত্ৰিপুৰাত ২ মহীয়া কণমানিৰ মৃত্যু

    ছিপাহীজলা জিলাৰ বিশ্ৰামগঞ্জত দুটা দলৰ মাজত হোৱা প্ৰচণ্ড মাৰপিটক নিয়ন্ত্ৰণ কৰিবলৈ আৰক্ষীয়ে ৪ ৰাউণ্ড শূন্যলৈ গুলী চলাবলৈ বাধ্য হয়

    মঙলবাৰে বিতৰ্কিত নাগৰিকত্ব সংশোধনী বিধেয়কৰ বিৰুদ্ধে প্ৰতিবাদকাৰীয়ে কৰা পথ অৱৰোধত আৱদ্ধ হৈ পৰাৰ ফলত ত্ৰিপুৰাত দুমহীয়া এটি শিশুৱে কৰুণ মৃত্যুক সাৱটে। হাস্পতাললৈ লৈ যোৱাৰ পথতে মৃত্যু হয় শিশুটিৰ।

    ছিপাহীজলা জিলাৰ বিশ্ৰামগঞ্জত দুটা দলৰ মাজত হোৱা প্ৰচণ্ড মাৰপিটক নিয়ন্ত্ৰণ কৰিবলৈ আৰক্ষীয়ে ৪ ৰাউণ্ড শূন্যলৈ গুলী চলাবলৈ বাধ্য হয়। বিশ্ৰামগঞ্জত হোৱা মাৰপিটৰ ফলত প্ৰায় ১৫ গৰাকী লোক আহত হোৱাৰ লগতে এটি ২ মহীয়া কণমানিৰ মৃত্যু হয় পথ অৱৰোধত এম্বুলেঞ্চ আৱদ্ধ হৈ পৰাৰ ফলত। আৰক্ষীয়ে ক’লে যে কণমানিটিক গোমতী জিলাৰ উদয়পুৰৰ পৰা ধলাই জিলাৰ অম্বাছালৈ লৈ গৈ আছিল।

    বিতৰ্কিত বিধেয়কখনক লৈ উত্তৰ-পূৰ্বাঞ্চলৰ পৰা আৰম্ভ কৰি দেশজুৰি হৈ তীব্ৰ আলোচনা আৰু বিৰোধৰ লগতে ত্ৰিপুৰাত বিজেপি চৰকাৰে ভুৱা বাতৰিৰ প্ৰচাৰ ৰোধ কৰিবলৈ ৪৮ ঘণ্টাৰ বাবে ইণ্টাৰনেট সেৱা স্থগিত কৰি ৰাখিছিল। মঙলবাৰে ১১ ঘণ্টীয়া বন্ধৰ সময়ত ত্ৰিপুৰাৰ ৩খন স্থানত হোৱা মাৰপিটৰ ফলত প্ৰায় ৪০ গৰাকী লোক আহত হয়।

    মুখ্যমন্ত্ৰী বিপ্লৱ কুমাৰ দেৱে ক’লে যে প্ৰতিবাদকাৰীসকলে এইটো কথাত জ্ঞাত নহয় যে যেতিয়া ৰাজ্যত জনজাতীয় ক্ষেত্ৰসমূহক কেবৰ বাহিৰত ৰখা হৈছে তেন্তে তেওঁলোকে ভাৰত বন্ধ কিয় কৰা নাই।

    Published:

    Follow TIME8.IN on TWITTER, INSTAGRAM, FACEBOOK and on YOUTUBE to stay in the know with what’s happening in the world around you – in real time

    First published

    ট্ৰেণ্ডিং